Në “Ditari” në Tëvë 1, Avdia theksoi se dora e djathtë dhe e majtë e Osmanit brenda “Guxo” janë ministrja e Punëve të Jashtme, Donika Gërvalla dhe ministri i Bujqësisë, Faton Peci.
“Ndërhyrja politike ose vendimmarrja në vendimet e brendshme të këtij subjekti, është evident e presidentes Osmani. Për faktin që ajo e konsideron një aset të saj politik. Dhe çdo veprim që bëhet dhe realizohet si në skenë edhe në prapaskenë, ajo është e informuar, merret miratimi i saj dhe dërgohen rekomandime në këto takime drejtpërdrejt. Edhe për faktin se nuk ka të dhëna që ajo merr pjesë në ato takime, por janë njerëzit, dora e saj e djathtë dhe e majtë, Peci dhe Gërvalla që i zbatojnë këto vendime”, tha ai.
Ai shtoi se edhe kryetari që pritet të zgjidhet tani në Kuvendin e “Guxo” do ta ketë miratimin dhe vulen e presidentes Osmani. /Teve1.info/
