Avdia tha se nuk mund ta quaj njollë të zezë tërësisht pasi që nuk ka dëgjuar për ndonjë akuzë apo aferë por nivelet e dyta qeverisëse siç janë sekretarët, drejtorët e drejtorive dhe departamentet e tjera, ata vazhdojnë të jenë pjesë e këtij sistemi të korruptuar dhe të pa ndëshkuar.
“Në këtë aspekt ne nuk mund ta bëjmë edhe njollë të zezë tërësisht për faktin që gjatë këtij viti të qeverisjes së re nuk ka pasur shumë akuza për korrupsion, nuk ka pasur nivele të larta por gjithsesi ato të korrupsionit e kanë pasur këtë nivel por thjeshtë zyrtarë të lartë të cilët janë përmendur ministra dhe të tjerë nuk ka pasur, nuk kemi dëgjuar për ndonjë akuzë apo aferë dhe kjo është një perceptim i cili duhet të shkoj më tutje në institucionet e tjera, duke përfshirë këtu edhe nivelet e dyta qeverisëse siç janë sekretarët, drejtorët e drejtorive dhe departamentet e tjera të cilat ata vazhdojnë të jenë pjesë e këtij sistemi të korruptuar dhe të pa ndëshkuar dhe në qoftë se … sistemi i drejtësisë duhet të gjejë mekanizma për të rregulluar këtë çështje për të ndëshkuar ata që nuk i respektojnë lidhje dhe ata vazhdimisht vazhdojnë që t’i keqpërdorin taksat tona “,tha ai.
I ftuar në emisionin “Këndi i Debatit”, sonte në Tëvë1 Avdia tha se luftën ndaj korrupsionit e sheh si ma problematikën dhe u shpreh se shteti duhet të gjejë mekanizma për ta rregulluar këtë.
“Lufta ndaj korrupsionit, unë e shoh si ma problematike dhe këtu duhet qeveria dhe institucionet në përgjithësi shteti duhet të gjejë mekanizma për ta eliminuar dhe ta zbutë këtë dhe të arrijë një formë që të krijoj një perceptim jo vetëm tek vëzhguesit e këtyre raporteve që kjo luftë po zhvillohet realisht. Sistemi i drejtësisë në vendin tonë ka shumë probleme edhe për faktin që të gjithë ata zyrtar që janë dënuar ose kanë shkuar para gjykate kanë marrë dënime minimale, shembull dihet, shumica e tyre kanë marrë dënime me gjoba minimale, 500 deri në 1 mijë euro apo 2, 3 mijë euro për zyrtarët e nivelit të lartë dhe kanë pasur në duart e tyre miliona të taksapaguesve tanë, është një gjë shumë e thjeshtë që nuk ndikon në ndëshkimin e tyre”, tha ai në Tëvë1.
