Portieri i Gjilanit, Enea Koliqi ka barazuar në 1:1 rezultatin në ndeshjen derbi ndaj Ballkanit. Koliqi ka shënuar me goditje me kokë në minutën e 95-të. Ai shënoi pas një goditje nga këndi. Por ndeshja është ndërprerë për shkak të hyrjes së shikuesve në fushë dhe tollovisë së krijuar.
Portieri i Ballkanit, Stivi Frashëri, ka mbetur i shtrirë në fushë. Ndeshja po luhet në stadiumin në Gjilan, që është më shumë kantier ndërtimi. Nuk ka rrethojë, ndër të tjera, dhe tifozët lehtë kanë depërtuar te porta e Ballkanit.
Autoambulanca është futur në fushën e stadiumit në Gjilan. Ndërkohë portierit të Ballkanit, Steve Frashëri po i jepet ndihma mjekësore.
