Ministria e Punëve të Jashtme të Austrisë ka reaguar për liberalizimin e vizave për qytetarët e Kosovës.
Austria ka thënë se ky proces është përmbushje e një kërkese të gjatë, që shënon një moment historik të rëndësishëm për perspektiven e BE-së.
“Sot në Parlamentin Evropian është marrë me votim pengesa përfundimtare për liberalizimin e vizave të BE-së për Kosovën, duke filluar më së voni më 1 janar 2024. Ky është përmbushja e një kërkese të gjatë dhe shënon një moment historik të rëndësishëm për perspektivën e BE-së! urime!”, ka shkruar në faqen e saj, Ministria e Punëve të Jashtme e Austrisë.
Today the final hurdle for EU visa liberalization for #Kosovo, starting at the latest on 1 January 2024, has been taken by vote in the European Parliament. This is the fulfilment of a long standing 🇦🇹 demand & marks an important milestone for 🇽🇰 EU perspective! Congratulations!
— MFA Austria (@MFA_Austria) April 18, 2023
Përmes një seance plenare, Parlamenti Evropian ka miratuar vendimin final për liberalizimin e vizave për Kosovën.
Pas këtij hapi pason nënshkrimi i tekstit që garanton liberalizimin e vizave për Kosovën, përcjell teve1.info
Liberalizimi i vizave do të hyjë në fuqi në datën e funksionalizimit të sistemit ETIAS por jo më vonë se 1 janari 2024, pra, edhe nëse ky sistem nuk hyn në funksion deri në atë datë.
Sipas rregullave të Parlamentit Evropian, liberalizimi i vizave nënkupton që qytetarët e Kosovës do të kenë kohë të qëndrojnë 90 ditë në Zonën Shengen, në një periudhë prej 180 ditësh. /teve1.info/
