Në raport thuhet analiza është bërë me 1,454 nxënësve të 9 shkollave.
“Llogaritjet tona për nxënësit e nëntë shkollave tregojnë një korrelacion prej 0.44 ndërmjet notave mesatare dhe rezultateve të TA-së. Analiza jonë mund të përmblidhet me konkluzionin se nota mesatare shpjegon 19% të variacionit në rezultatet e TA-së. Marrë parasysh që TA pritet të japë një pasqyrë rreth njohurive të nxënësve gjatë shkollimit fillor dhe të mesëm të ulët, do të kishte kuptim që notat mesatare dhe pikët e TA-së të kishin një korrelacion duke ditur që ato duhet të matin të njëjtat gjëra”, thuhet në raport, shkruan teve1.info.
Sa i përket testit ndërkombëtar PISA, auditori ka vlerësuar se Kosova është dukshëm nën mesataren ndërkombëtare.
“Bazuar në analizat e mësipërme, Kosova është ende larg arritjes së qëllimit të saj për të siguruar të gjithë nxënësit me nivelin minimal të shkathtësive të kërkuara për këto lëndë, të cilat janë të nevojshme për arsimimin e mëtejshëm dhe pjesëmarrjen në shoqëritë me njohuri”, thuhet në raport.
Sipas auditorit “ MAShTI është përgjegjës për të siguruar që metodat e mësimdhënies janë të organizuara në atë mënyrë që të zhvillohen aftësitë e të nxënit për çdo nivel në shkolla. Ministria duhet të monitorojë dhe të bëjë përpjekje që të sigurojë se mësimi i një metode vlerësimi bazohet në kurrikulë dhe standardet ndërkombëtare të arsimit. MAShTI duhet të adresojë gjetjet nga OBZhE pas rezultateve në PISA 2015 dhe 2018 si dhe për TIMSS në 2019. Gjetjet e OBZhE-së lidhur me qasjen e mësimdhënies duhet të adresohen dhe monitorohen nga IA i MAShTI-t, Drejtoritë Komunale të Arsimit (DKA) dhe inspektorët”, thuhet në raport.
Auditori në raport thekson se “Shkollat nuk marrin informacione kthyese nga MAShTI dhe as nuk përfshihen në diskutimet apo analizat që kryen MAShTI lidhur me rezultatet e PISA ose TIMSS, ku në secilën prej tyre”./teve1.info/
