Pierre-Emerick Aubameyang preferon më mirë të qëndrojë dhe të luftojë për vendin e tij te Chelsea deri në fund të sezonit sesa të transferohet në Los Angeles FC në formë huazimi.
Barcelona, Atletico e Madridit dhe Milan po shqyrtojnë të gjitha lëvizjet e verës për të tentuar të nënshkruajnë me sulmuesin me origjinë nga Gaboni, i cili u la jashtë listë së Chelsea-t për ndeshjen e Championsit.
Chelsea ka zhvilluar bisedime me LA FC, klubi i fundit i Gareth Bale, për transferimin e Aubameyang në MLS, por sulmuesi nuk e konsideron se është koha e duhur për të shkuar në Amerikë.
Aubameyang është i vetëdijshëm për interesimin e skuadrave të mëdha në Evropë përpara verës, por aktualisht dëshiron të punojë fort që të fitojë sa më shumë minuta te Chelsea.
