Përmes njoftimit, ATK ka bërë të ditur se kanë zhvilluar aksion ndaj 18 subjekteve biznesore të cilat kanë pasur obligime të papaguara në vlerë prej 1.8 milionë euro.
“Departamenti për Menaxhimin e Mbledhjes së Borxheve ka vazhduar me aktivitete tek subjektet biznesore, të cilat nuk kanë kryer obligimet tatimore. Andaj, bazuar në kornizat ligjore që përcaktojnë përgjegjësit e këtij departamenti, janë përzgjedhur 18 subjekte, që kanë pas obligime të pa paguara në vlerë prej 1.8 milion euro”, thuhet ndër tjerash në njoftim.
Tutje, Administrata ka njoftuar se pjesa tjetër e borxheve të këtyre bizneseve pritet të inkasohet bazuar në marrëveshjet e reja për pagesën e obligimeve tatimore me këste.
“Pra, vlera totale e inkasuar –paguar gjatë ditës së premte ka qenë 416,250.18 euro ose rreth gjysmë milioni euro, ndërsa pjesa tjetër e borxheve të këtyre bizneseve pritet të inkasohet bazuar në marrëveshjet e reja të lidhura për pagesën e obligimeve tatimore me këste, si dhe marrëveshjeve të ri programuara për bizneset të cilat nuk u janë përmbajtur marrëveshjeve paraprake”, thuhet në njoftim./teve1.info/
