Krahas Fiorentinas e Bolognas, edhe një ekip tjetër nga Serie A e Italisë është futur në garë për shërbimet e Kristjan Asllanit.
Bëhet fjalë për Atalantan, ekip që ka bërë gati ofertën për mesfushorin e Interit, i cili po kërkohet edhe në Spanjë por që ka refuzuar kalimin te Real Betisi.
Thuhet se Atalanta është gati të ofrojë 20 milionë euro, aq sa po kërkon Interi, për ta fituar garën për Asllanin, i cili nuk bën pjesë në planet e klubit edhe pse ka kontratë deri në vitin 2028.
Interi tashmë ka marrë oferta nga Bologna e Fiorentina, por asnjëra prej tyre nuk kanë shkuar mbi 15 milionë euro.
Kështu që, Atalanta mbetet favorite për transferimin e mesfushorit të Kombëtares së Shqipërisë.
