Kryetari i Asociacionit të Komunave, Sazan Ibrahimi, i tha teve1.info se nuk e di se çfarë vendimi apo veprimi do të kërkojnë kryetarët e komunave, pasi vendimi për mosekzekutimin e pagave nuk ka ndodhë asnjë herë më parë dhe nuk është pritë.
Ibrahimi tha se çdo vendim apo kërkesë e kryetarëve të Komunave do të bëhet publik pas takimit dhe se tani për tani nuk mund të parashikoj se cilat do të jenë kërkesat e tyre.
Të mërkurën, më 31 gusht, kur edhe është dashur të procedohen pagesat e muajit gusht për të gjithë punonjësit publik, sipas Ligjit të pagave, u bë e ditur se mësimdhënësve dhe shërbyesve civil të cilët kanë marrë pjesë në grevën e thirrur nga Bashkimi i Sindikatave të Pavarura të Kosovë dhe Sindikata e Bashkuar e Arsimit, nuk u janë ekzekutuar pagat.
