Në korridoret e Klinikës Infektive nuk shihet asnjë pacientë që po kërkon ndihmë mjekësore.
Edhe dhomat në repartin F në Klinikën Infektive, ku trajtoheshin pacientët e infektuar me Covid-19 kanë mbetur të zbrazura.
Krejt çfarë mund të shihni janë shtretërit bosh e aparatet e oksigjeno-terapisë të ndalura.
Mirëpo, nga profesionistët shëndetësorë, kjo situatë është momentale dhe rreziku për infektim qëndron ende, derisa virusi qarkullon nëpër botë.
“Kjo gjendje dhe kjo situatë është momentale dhe ndoshta një rehati që për neve mjekëve nuk është aspak rehati sepse çdo moment derisa virusi qarkullon gjithkund në botë, jemi të rrezikuar të infektohemi me sars cov-2”, tha infektologia, Albina Ponosheci.
Ajo thotë se vendi ynë nuk qëndron mirë sa i përket vaksinimit,për këtë edhe bënë thirrje që qytetarët të vaksinohem me dozën e tretë.
“E vetmja që mbetet edhe më tutje është që të vaksinohemi.Vendi jonë Jemi mbrapa me vaksinën e tretë, duhet ta shfrytëzojmë kohën dhe sa më shpejtë të marrim vaksinën e tretë dhe të jemi të përgatitur nëse ndodh prapë ndonjë valë e re, të jemi të mbrotjur se me vaksinë format kanë qenë më të lehta, për fat të mirë në at numër aq të madh të infektuarve me sars cov2, numri i të spitalizuarve numri ka qenë dukshëm më i vogël krahasim me valët tjera”, shtoi Ponosheci.
Shërbimi Klinik Universitar i Kosovës, gjatë ditës ka bërë të ditur se nuk ka pacientë të konfirmuar me Covid-19 në Klinikën Infektivë.
“Klinika Infektive para disa muajve, pas qetësimit të situatës me Covid-19, ka filluar të ofrojë shërbime shëndetësore edhe për pacientët me sëmundje të tjera ngjitëse.”, thuhet komunikatën e ShSKUK-së
Ndërkaq,në Spitalin e Gjakovës është i shtrirë një pacientë i konfirmuar me këtë virus.
Raporti i gazetares Arlinda Sejdiu – Latifi.
