Ministria e Shëndetësisë në Gaza sapo ka publikuar përditësimin e saj të fundit ditor mbi numrin e viktimave në luftën gati dyvjeçare të Izraelit.
Në një deklaratë, thuhet se trupat e 65 personave, përfshirë dy që u gjetën së fundmi, kishin mbërritur në spitale në të gjithë territorin e rrethuar gjatë periudhës së fundit 24-orëshe të raportimit. 153 persona të tjerë u plagosën, ka cituar Al Jazeera.
Shifrat e çojnë numrin e njerëzve të vrarë në sulmet izraelite që nga fillimi i luftës në të paktën 67,139, me 169,583 të tjerë të plagosur.
Shumë viktima janë ende nën rrënoja dhe në rrugë, ku ekipet e ambulancës dhe të mbrojtjes civile nuk janë në gjendje t’i arrijnë, tha ministria.
Ndërkohë edhe një persona ka vdekur nga uria në 24 orët e fundit, duke e çuar numrin e përgjithshëm të njerëzve të vdekur nga kequshqyerja, si pasojë e bllokadës totale të ndihmave nga Izraeli, gjatë luftës në 460, përfshirë 154 fëmijë.
Vetëm që kur kur monitoruesi global i urisë i mbështetur nga OKB-ja, Klasifikimi i Fazës së Integruar të Sigurisë Ushqimore, shpalli urinë në Gaza në gusht, janë regjistruar 182 vdekje, përfshirë 39 fëmijë, sipas ministrisë.
