Sulmuesi i Kombëtares së Kosovës, Fisnik Asllani ka synime të mëdha me fanellën e Hoffenheimit në sezonin 2025/26 në Bundesligë.
Asllani dëshiron të stabilizohet në 11-shen e parë të Hoffenheimit dhe të bëhet lider i ekipit sa i përket shënimit të golave.
Ai ka thënë se është i gatshëm për një gjë të tillë dhe po punon fort për ti bindur të gjithë tek Hoffenheimi se meriton ti prijë repartit të sulmit.
“Synimi në sezonin e ri është që të luaj shumë, pra të kem minutazhë. Por, për një gjë të tillë më duhet të punoj shumë sikurse tek Elversbergu. E rëndësishme është që mos ti bëjë presion vetes dhe të vazhdoj të punoj”, ka thënë Asllani. “Megjithatë, synimi im është më se i qartë, të jem lider këtu sikurse tek Elversbergu”.
22-vjeçari sezonin e shkuar ishte i huazuar tek Elversbergu, ekip më të cilin luajti në Bundesliga 2 dhe shënoi 18 gola.
Së fundmi, Asllani ka rinovuar kontratën me Hoffenheimin deri në vitin 2029, duke refuzuar ofertën e Werder Bremenit.
