Mesfushori i Kombëtares së Shqipërisë, Kristjan Asllani është përforcimi më i ri i skuadrës së Torinos.
Ekipi nga Serie A e Italisë, të hënën, e ka prezantuar Asllanin që vlerësohet si përforcim i rëndësishëm për mesfushën.
Asllani është huazuar nga Interi për një vit te Torino, ekip që ka opsionin e blerjes së tij në fund të sezonit aktual.
Detajet e marrëveshjes mes klubeve dhe futbollistin nuk janë dhënë, por mësohet se Torino do të paguajë 1.5 milionë euro për huazimin e Asllanit, ndërsa kartonin e tij mund të blejë për 12 milionë euro.
23-vjeçari ka kontratë deri në vitin 2028 me Interin, ekip të cilit iu bashkua në vitin 2022 nga Empoli për 14 milionë euro.
Përgjatë tri sezoneve tek Interi, Asllani ka regjistruar 99 paraqitje, ku ka shënuar 4 gola dhe ka bërë 5 asistime, ndërsa me këtë skuadër ka fituar një titull kampioni, një kupë dhe dy Superkupa të Italisë.
Te Torino, Asllani do të bashkohet me mbrojtësin e Kombëtares së Shqipërisë, Ardian Ismajlin.
