Kristjan Asllani përfundimisht do të largohet nga skuadra e Interit gjatë këtij afati kalimtar, kanë raportuar të dielën mediumet italiane.
Thuhet se mesfushori i Shqipërisë nuk bën pjesë në planet e trajnerit Christian Chivu, i cili ka dhënë dritën e gjelbër për shitjen e tij.
Interi tashmë ka nxjerrë në shitje Asllanin dhe për kartonin e tij po kërkon të paktën 20 milionë euro.
Asllani është pjesë e Interit prej vitit 2023 dhe ka kontratë deri në verën e vitit 2028, por duket se nuk ka bindur me paraqitjet e tij.
23-vjeçari, tashmë po monitorohet nga Bologna e Fiorentina, skuadra që po synojnë ta kenë në radhët e veta.
