Torino duket se do të jetë destinacioni i Kristjan Asllanit pas largimit nga skuadra e Interit, kanë raportuar mediumet italiane të martën.
Torino papritmas është futur në garë për Asllanin dhe tashmë ka parakaluar Fiorentinan, Bolognan e Parman, ekipe që gjithashtu synon transferimin e Asllanit.
Te Torino kanë kontaktuar Asllanin, duke i premtuar minutazhë dhe bindur për një lëvizje të tillë, ndërsa tashmë kanë mbetur negociatat me Interin.
Interi do të kontaktohet nga Torino, ekip që po synon një marrëveshje për shërbimet e mesfushorit të Shqipërisë, i cili nuk është në planet e trajnerit Christian Chivu.
Për kartonin e Asllanit, Interi po kërkon të paktën 20 milionë euro pasi 23-vjeçari ka kontratë deri në vitin 2028.
