Irani do të vazhdojë aktivitetet e tij të pasurimit të uraniumit në përputhje me Traktatin për Mospërhapjen e Armëve Bërthamore (NPT), ka deklaruar të hënën zëvendësministri i jashtëm iranian.
Sipas agjencisë gjysmëzyrtare të lajmeve Tasnim, Majid Takht Ravanchi, zëvendësministri i Jashtëm për Çështjet Politike, tha se Irani nuk do të ndalojë pasurimin e uraniumit pavarësisht sulmeve të fundit nga Izraeli dhe Shtetet e Bashkuara.
“Askush nuk ka të drejtë të na diktojë se çfarë duhet të bëjmë, përderisa veprojmë brenda kufijve të detyrimeve tona sipas traktatit,” theksoi Ravanchi gjatë një interviste për televizionin gjerman Das Erste, shkruan Anadoly.
Të dielën, Presidenti amerikan Donald Trump njoftoi se forcat amerikane kishin bombarduar uzinat bërthamore iraniane në Fordo, Natanz dhe Isfahan.
Shtetet e Bashkuara goditën me gjashtë bomba të fuqishme të tipit bunker-buster objektin në Fordo, duke përdorur bombarduesit B-2, si dhe kryen dhjetëra sulme me raketa lundrimi të nisura nga nëndetëset në objektet në Natanz dhe Isfahan.
Këto sulme përbëjnë një përshkallëzim të tensioneve mes Izraelit dhe Iranit që prej 13 qershorit kur Izraeli sulmojë Iranin.
