Agjencia e Statistikave të Kosovës (ASK) ka njoftuar se gjatë muajit korrik 2026 në hotelet e Kosovës janë regjistruar 99 mijë e 53 vizitorë.
Sipas të dhënave të ASK-së, 32 mijë e 98 prej tyre ishin vizitorë vendorë, ndërsa 66 mijë e 954 ishin vizitorë të huaj.
Krahasuar me korrikun e vitit 2025, kur në hotele ishin regjistruar 77 mijë e 481 vizitorë, numri i përgjithshëm i vizitorëve në korrik të këtij viti është rritur për 27.8 për qind.
Gjatë këtij muaji janë regjistruar gjithsej 217 mijë e 798 net-qëndrime.
Prej tyre, 149 mijë e 509 net-qëndrime, apo 68.6 për qind, u realizuan nga vizitorët e huaj, ndërsa 68 mijë e 289, apo 31.3 për qind, nga vizitorët vendorë.
Rritje është shënuar edhe te numri i vizitorëve të huaj. Sipas ASK-së, në korrik 2026 pati 66 mijë e 954 vizitorë të huaj, që paraqet një rritje prej 31.7 për qind krahasuar me të njëjtin muaj të vitit 2025.
Numri më i madh i vizitorëve të huaj gjatë korrikut ishte nga Shqipëria, Gjermania, Zvicra dhe Turqia, ndërsa pjesa tjetër e vizitorëve erdhën nga shtete të ndryshme.
