Sipas Agjencisë së Statistikave të Kosovës, indeksi i përgjithshëm i produkteve bazë në bujqësi, ka shënuar rritje për 28.3 për qind, krahasuar me periudhën e njëjtë të vitit 2021, raporton teve1.info
Sipas komunikatës së lëshuar nga ASK, ky publikim është i bazuar në çmimet e inputeve bujqësore të grumbulluara në Kosovë. Derisa, grumbullimi i çmimeve është kryer në barnatoret bujqësore, farmacitë veterinare, në kompani, tregje dhe vende të tjera, ku çmimet e inputeve bujqësore janë në dispozicion.
“Në tremujorin e dytë të vitit 2022, indeksi i Input 1 ka rritje për 45.0%, krahasuar me periudhën e njëjtë të vitit 2021. Kurse, indeksi i Input 2 ka rritje për 11.1%, krahasuar me periudhën e njëjtë të vitit 2021. Ndërkaq, Indeksi i përgjithshëm i inputeve (Input 1 + Input 2) ka rritje për 28.3%, krahasuar me periudhën e njëjtë të vitit 2021”, thuhet në njoftimin e ASK-së.
