Indeksi i tërësishëm i Kostos së Ndërtimit në Kosovë (IKN), pati ngritje për 1.8% në tremujorin e katërt të vitit 2021, krahasuar me tremujorin e tretë të po atij viti.
“Ngritja më e madhe e indeksit ishte te: materialet (2.3%); kostot e tjera (2.1%); energjia (1.0%) dhe pagat (0.5%)”, thuhet në njoftim.
Ndërkaq, krahasuar me tremujorin e katër të vitit 2021 me periudhën e njëjtë të vitit të 2020, Indeksi i tërësishëm i Kostos së Ndërtimit në Kosovë (IKN) pati ngritje për 16.0%.
“Ngritja e indeksit kryesisht u vërejt te kategoritë: materialet (20.6%); energjia (16.4%); transporti (6.7%); kostot e tjera (6.6%); pagat (3.4%) dhe makineritë (2.8%)”, është bërë e ditur në njoftimin e ASK-së. /teve1.info/
