Sveçla në emisionin “Info Nata” në Tëvë1, tha se mënyra se si është paraqitur fatura të lë indikacione se kemi të bëjmë me keqpërdorim të parasë publike.
“Faturën afër 3 mijë e 500 euro nuk dihet se për çfarë ka ndodhur dhe nuk dihet se kur ka ndodhur e kur kanë qenë të pranishëm vetëm ekziston si shpenzim i tillë. Vet shuma dhe vet mënyra se si është paraqitur fatura të lenë indikacione se kemi të bëjmë me keqpërdorim të parasë publike”, ka deklaruar ai.
Ai thotë se të gjitha dyshimet e tyre janë se shpenzimet mbi 3 mijë euro në faturë kanë ndodhur për një natë.
“Jemi drejtuar me një email zyrtarë dhe gjithë sqarimi nga ana e tyre ka qenë se bëhet fjalë për dreka dhe koktej që ka organizuar kryetari. Mirëpo nëse e shohim fatura se si është përpiluar operatorët ekonomik, këtë rast lokalet hoteliere nuk kanë të drejtë që nëse bëhet fjalë për disa raste t’i mbledhin të gjitha faturat dhe t’i fusin në një faturë. Për shkak se kjo është kundërligjore. Prandaj të gjitha dyshimet tona janë se kjo ka ndodhur për një natë të vetme”, theksoi Sveçla. /teve1.info/
