Pas fitores së madhe në finalen e Kupës së Kosovës ndaj Llapit, trajneri i Prishtinës, Arsim Thaqi, u shpreh tejet i emocionuar dhe krenar për arritjen e skuadrës së tij.
Me rezultatin 1-0, Prishtina jo vetëm që siguroi trofeun, por gjithashtu u rikthye në skenën evropiane pas disa viteve mungesë.
Në deklaratën e tij pas ndeshjes, Thaçi deklaroi: “Evropa i mungoi këto dy-tri vjet Prishtinës. Jam i gëzuar. I falënderoj lojtarët që dhanë maksimumin”.
Me këtë sukses, Thaçi konfirmoi ambiciet e mëdha të klubit për sezonin e ardhshëm, duke premtuar një Prishtinë të fuqishme dhe konkurruese në arenën ndërkombëtare.
Fitorja në finalen e Kupës i jep Prishtinës të drejtën për të marrë pjesë në kualifikimet për fazën e ligës në Ligën e Evropës, një rikthim i rëndësishëm për klubin më të madh të futbollit kosovar.
