Arsenali ka shënuar fitore të vështirë 1:0 ndaj Evertonit të shtunën mbrëma.
Ndeshja i takoi javës së 17-të të Premier Leagues.
Për “Topçinjtë” ishte fitorja e tretë rresht në të gjitha garat.
Ndërsa për Evertonin është disfata e dytë radhazi në kampionat.
Me fitore, Arsenali vazhdon ta mbajë pozitën e parë me 39 pikë. Manchester City e zë vendin e dytë me 37 pikë.
Evertoni është në pozitën e dhjetë me 24 pikë.
Golin e fitores për Arsenalin e realizoi sulmuesi suedez, Viktor Gyokeres, në minutën e 27-të nga penalltia.
