Pas shumë javëve me negociata intensive, Arsenali më në fund ka siguruar shërbimet e sulmuesit Viktor Gyokeres.
Bëhet e ditur se Arsenali ka arritur marrëveshje me Sportingun e Lisbonës për sulmuesin 27-vjeçar, të cilin do ta zyrtarizojë brenda kësaj jave.
Për kartonin e Gyokeresit, Arsenali do të paguajë 70 milionë euro plus 10 milionë euro tjera në formë bonusesh kurse suedezi do të firmos kontratë pesëvjeçare me ekipin nga Londra.
Gyokeres ka shkëlqyer sezonin e shkuar te Sportingu, ku ka tërhequr vëmendjen e skuadrave të mëdha të Evropës por në fund Arsenali fitoi garën për transferimin e tij.
Në 54 ndeshje të luajtura në të gjitha garat, Gyokeres ka shënuar hiq më pak se 52 gola.
