Skuadra e Arsenal sot përballet me rivalin e tyre më të urryer Tottenham, me fillim nga ora 20:45.
Përveç rivalitetit, këtë ndeshje edhe më interesante e bën edhe pozita e dy skuadrave në tabelë. Gunners renditen në pozitën e 4-t, ndërsa skuadra e Conte një vend më poshtë me 4 pikë më pak.
Rezultati i kësaj ndeshje do të jetë deçiziv për kualifikim në Ligën e Kampionëve, sepse në rast fitoreje Arsenal e siguron matematikisht kualifikimin, ndërsa Tottenham tenton t’i prishë punë.
Megjithatë, trajneri Mikel Arteta do të ketë disa mungesa të theksuara për këtë ndeshje. Mbrojtësi i majtë Kieran Tierney dhe mesfushori Thomas Partey kanë humbur sezonin, teksa për sonte janë në dyshim edhe Ben White e anësori Bukayo Saka.
