Arsenali po vazhdon rrugëtimin për mrekulli drejt titullit te Premierligës, derisa në “Emirates” mposhti Manchester Unitedin 3:2 në ndeshjen që i takoi xhiros së 21.
Gjatë gjithë takimit u zhvillua një lojë shumë e mirë nga të dy skuadrat, derisa kemi parë edhe shumë gola në këtë takim. Të parë parët në avantazh kaluan Man United.
Pas një gabimi nga mesfusha e skuadrës vendase ‘djajtë’ përfituan. Ishte Marcus Rashford që nga jashtë zona shënoi supergol duke i dhënë epërsinë Man United.
Por, përgjigja e ‘Topçinjve’ erdhi shpejt duke barazuar gjithçka pas shtatë minutave. Po rridhte minuta e 24’ kur pas një harkimi të mirë në zonë, me kokë realizoi Eddie Nketiah.
Kështu pjesa e parë u mbyll 1:1. Edhe në pjesën e dytë loja vazhdoi me të njëjtin intensitet.
Me ekipet që kërkonin golin e epërsisë. Këtë herë golin e avantazhit e realizuan vendasit. Pas një supergoditje nga jashtë zona, ishte Bukayo Saka që shënoi dhe përmbysi rezultatin ndaj Man United. Anglezi realizoi në minutën e 53’ të ndeshjes.
Por, ‘djajtë’ vazhduan të sulmojnë. Gjatë një rivënie nga këndi, gaboi Aaron Ramsdale, e këtu përfitoi Lisandro Martinez që shënoi dhe barazoi gjithçka.
Skuadrat më pas kërkon të shënojnë sërish. Ishin Arsenali që përmbysën për herë të dytë gjithçka. Në minutën e fundit të kohës së rregullt Nketiah shënoi dhe çoi rezultatin në 3:2.
Pas kësaj fitoreje Arsenal mbanë vendin e parë me 50 pikë, kurse United pozicionohen në vendin e katërt me 39 sosh
