Eden Hazard u transferua me shumë bujë nga Chelsea tek Real Madrid në verën e vitit 2019 për një shumë rreth 120 milonë euro.
Mirëpo, gjërat nuk shkuan sipas pritshmërive dhe belgu asnjëherë nuk arriti të gjejë formën që e kishte dikur në londër, për shkak të lëndimeve dhe formës jo të vazhdueshme.
Ai nuk bën pjesë në formacionin bazë të teknikut Carlo Ancelotti dhe si duket kjo e ka shtyrë të mendojë largimin.
Në anën tjetër, mediat angleze kanë raportuar se skuadra e Arsenalit ka shprehur interesim për shërbimet e tij.
Madje, thuhet se drejtori i Arsenalit, braziliani Edu Gaspar është takuar me babin e Eden Hazard për një lëvizje të mundshme gjatë verës.
Gunners dëshirojnë që ta kenë belgun në ekip fillimisht në formë huazimi, e më pas të kenë të drejtë blerjen e kartonit të tij.
Hazard që ka fituar gjithçka me rivalët e Arsenalit, mund ta ketë problem transferimin në Emirates.
Vlera e tij në afatin e transferimeve momentalisht është 16 milionë euro.
