Arsenali ka fituar Superkupën (FA Community Shield) e Anglisë. Topçinjtë të dielën mposhtën Manchester City në ruletën e penalltive 4:1, derisa loja e rregulltë përfundoi 1:1. Për Arsenalin ky është trofeu i 17 në histori si fitues te Community Shield.
Kjo erdhi fal goditjes së 11-metërshave, me të besuarit e Mikel Artetës që u treguan më të saktë, duke mundur kampionët e Europës dhe të Anglisë, Manchester City.
Goli i i 21-vjeçarit Cole Palmer nuk i mjaftoi skuadrës së Guardiolës, për shkak se një realizim i Trossard në limitet e ndeshjes, çoi gjithçka te goditjet e penalltive, aty ku lojtarët e Arsenalin u treguan të gjithë të saktë, ndërsa De Bruyne dhe Rodri gabuan nga pika e bardhë.
