Arsenali po vazhdon me ecuri pozitive në Premierligë, derisa në ndeshjen e xhiros së 11-të fitoi në transfertë me shifra 1:0 ndaj Leeds United.
“Gunnersat” e nisin më mirë takimin, duke krijuar shanse për gol. Por, goli i parë dhe i vetëm i takimit erdhi në minutën e 35-të, kur Martin Odegaard asistoi te Bukayo Saka, që realizoi për 1-0.
Në 45 minutat e dytë, Leeds e pati rastin t’i barazonte shifrat, por Patrick Bamford shpërdoroi një mundësi të artë.
Në minutën e 64-të, anglezi nuk ia doli të shënonte nga pika e bardhë, pasi Aaron Rasmdale e priti goditjen e tij. Bamfod (71’) lëshoi një tjetër mundësi të mirë shënimi, me Ramsdalen që ishte sërish përballë tij.
Pas javës së 10-të, Arsenali vazhdon të jetë lider me 27 pikë, ndërsa në xhiron e 11-të do të takohen me Southamptonin.
