Numri i të vdekurve nga një shpërthim i madh në portin jugor të Iranit, Shahid Rajaeeh , që ndodhi të shtunën në mëngjes është rritur nga 40 në 46, raportojnë mediat shtetërore.
“Numri i të vdekurve në zjarrin e Portit Shahid Rajaee ka arritur në 46,” njoftoi agjencia zyrtare e lajmeve IRNA, duke cituar Mehrdad Hassanzadeh, drejtorin e menaxhimit të krizave në provincën Hormozgan.
Ai tha se shumica dërrmuese e 1000 personave që u plagosën janë liruar nga spitalet (vetëm 138 mbeten në spital).
Ministri i Brendshëm i Iranit, Eskandar Momenim , ka thënë se shpërthimi masiv në Shahid Rajaee që zyrtarët thonë se vrau të paktën 46 njerëz të shtunën ishte shkaktuar nga “neglizhenca” dhe mosrespektimi i masave të sigurisë.
“Disa fajtorë janë identifikuar dhe thirrur … Kishte mangësi, duke përfshirë mospërputhjen me masat paraprake të sigurisë dhe neglizhencën në drejtim të mbrojtjes pasive,” tha Momeni për TV shtetëror, shkruan The Guardian.
Firma private e sigurisë Ambrey thotë se porti mori lëndë kimike të karburantit të raketave në mars. Ishte pjesë e një dërgese të perkloratit të amonit nga Kina nga dy anije në Iran, raportuar për herë të parë në janar nga Financial Times.
Kimikati i përdorur për prodhimin e lëndës djegëse të ngurtë për raketa do të përdorej për të rimbushur rezervat e raketave të Iranit, të cilat ishin varfëruar nga sulmet e tij të drejtpërdrejta ndaj Izraelit gjatë luftës me Hamasin në Rripin e Gazës, shkruan AP.
Por në një reagim të dielën, zëdhënësi i Ministrisë iraniane të Mbrojtjes, gjenerali Reza Talaeinik mohoi se karburanti i raketave ishte importuar përmes portit.
Ndërkohë të dielën, presidenti rus Vladimir Putin vendosi disa avionë emergjence në Bandar Abbas për të ofruar ndihmë.
Shpërthim masiv në një port të Iranit, të paktën 500 të lënduar
