Ka pranuar një informacion Statcioni policor në Viti nga Drejtoria Rajonale e Policisë në Gjilan, se një person në fshatin Remnik të Komunës së Vitisë posedon armë pa leje.
Në komunikatë për media, thuhet se njësitet policore të rendit shoqëruar edhe nga njësia e hetimeve i janë përgjigjur menjëherë këtij rasti dhe kanë dalë në vendin e ngjarjes.
“Me aprovim të Gjykatës Themelore në Gjilan, është kontrolluar shtëpia e të dyshuarit me inicialet R.M.( M/K) i moshës rreth 46 vjeçar dhe aty janë gjetur: një armë zjarri pushkë gjysmë automatike me 8 copë fishekë, të cilat më pas janë konfiskuar. I dyshimti është arrestuar fillimisht dhe është intervistuar në bazë të procedurave ligjore. Me vendim të Prokurorit të Prokurorisë Themelore në Gjilan është inicuar rasti penal ‘’Mbajtje në pronësi, kontroll ose posedim të paautorizuar i armëve’’ për procedura të mëtejme hetimore”, thuhet në komunikatë.
