Bëhet e ditur se personi i arrestuar ishte i kërkuar nga autoritetet e Shqipërisë dhe Italisë.
“Në orët e mbrëmjes së datës 19.05.2022 në Prishtinë, Policia e Kosovës me njësitet për hetimin e trafikimit me narkotik, pas hetimeve intensive ka realizuar operacionin policor “Rrufeja” i cili ka rezultuar me arrestimin e personit të dyshuar A.K. shtetas i Republikës së Shqipërisë, i cili gjithashtu posedonte dokumentacion të Republikës së Kosovës, mbi dyshimin e bazuar për posedim të (16.780 kg) substancë narkotike të llojit marihuanë”, thuhet në njoftim.
Tutje policia njofton se ka vazhduar me kontrollimin e lokacionit ku banonte i dyshuari me ç‘rast janë konfiskuar substanca narkotike me peshë totale 16.180 kg, para kesh, telefona, pasaporta të Shqipërisë, patentë shoferë të Shqipërise dhe Italisë.
“Bazuar në urdhëresën e organeve të drejtësisë operacioni policor ka vazhduar me kontrollimin e lokacionit ku i njëjti banonte, me ç‘rast janë konfiskuar një valigje me (31) paketime substancë narkotike, një qese e najlonit me substancë narkotike të dyshuar të llojit marihuanë, ku pesha totale kishte arritur rreth 16.780 kg, si dhe janë konfiskuar para kesh (100 euro), (2) telefona celularë, (2) pasaporta të Shqipërisë, (1) letërnjoftim i Kosovës, (2) patentë shoferë, njëri i Shqipërisë dhe tjetri i Italisë”, thuhet tutje në njoftim.
Kurse i dyshuari me vendim të prokurorit të shtetit, është dërguar në mbajtje.
