Një person është arrestuar në autolarjen e tij, pasi pas kontrollës i janë gjetur dhe 1.10 gr substancë e dyshuar narkotike e llojit marihuanë, një revole, një grinder dhe një pako me rizla.
Rasti ka ndodhur në rrugën “Edit Durhan” në Gjakovë.
“Rr. Edit Durhan, Gjakovë 14.11.2023-19:30 Është arrestuar i dyshuari mashkull pasi gjatë kontrollit në një objekt afarist (autolarje) pronar i të cilës ishte ai, janë gjetur dhe konfiskuar 1.10 gr substancë e dyshuar narkotike e llojit marihuanë, një revole, një grinder dhe një pako me rizla”, thuhet në njoftimin e policisë.
Me vendim të prokurorit i dyshuari është dërguar në mbajtje.
