Hetuesit e Inspektoratit Policor të Kosovës (IPK) kanë arrestuar një zyrtar policor nën dyshimin se ka kryer veprën penale të “dhunës në familje”.
Ngjarja raportohet se ka ndodhur më 24 tetor 2025 në Prishtinë, ndërsa pas pranimit të informacionit, hetuesit e IPK-së thuhet se kanë ndërmarrë menjëherë veprimet e nevojshme hetimore.
Pas disa veprimeve fillestare, është konsultuar prokurori kompetent dhe, me vendim të tij, zyrtarit policor i është caktuar masa e ndalimit për 48 orë.
Në kuadër të procedurave hetimore dhe administrative, zyrtari policor – i angazhuar në Departamentin e Njësive Speciale të Policisë së Kosovës – është suspenduar nga detyra me rekomandim të IPK-së.
Hetuesit e IPK-së, në bashkëpunim të ngushtë me Prokurorinë Themelore në Prishtinë, do të vazhdojnë veprimet për të ndriçuar plotësisht të gjitha rrethanat që lidhen me këtë rast./teve1
