Policia e Kosovës ka arrestuar një zyrtar komunal të Mitrovicës së jugut, nën dyshimin se ka kërkuar ryshfet nga një qytetar për rregullimin e dokumentacionit për përfitimin e një Grandi që lidhet me ri-atdhesimin.
“Hetuesit policorë nga Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale për Hetimin e Krimeve Ekonomike e Korrupsionit (NjHKEK) – Mitrovice Jug, pas një informate (denoncimi) lidhur me dyshimin se personi i dyshuar B.S.,(viti i lindjes 1961, mashkull kosovar), në cilësi të personit zyrtar komunal, ka kërkuar ryshfet nga një qytetar për rregullimin e dokumentacionit për përfitimin e një GRANDI që lidhet me ri-atdhesimin”, thuhet në njoftim.
I dyshuari është zënë në flagrancë pasi i njëjti ka marrë ryshfetin prej 200 eurove.
“Hetuesit policorë nga NjRHKEK-Mitrovicë Jug, në koordinim me prokurorinë, më 04.07.2024 rreth orës 12:20, në sheshin ,,Isa Boletini” në Mitrovicë ka arrestuar në flagrancë të dyshuarin pasi i njëjti ka marrë ryshfetin në shumën prej 200 eurove”, thuhet në njoftim./teve1.info/
