Policia e Kosovës ka bërë të ditur se ka arrestuar në Lipjan një shtetas të Turqisë, i cili dyshohet se ka shpërndarë në rrjete sociale materiale që lidhen me shfrytëzimin seksual të fëmijëve.
Sipas raportit 24-orësh të policisë, i dyshuari dyshohet se ka shkarkuar dhe shpërndarë përmbajtje të tillë përmes platformave online.
Pas arrestimit, me urdhër të prokurorit të rastit, ai është dërguar në mbajtje, ndërsa hetimet për rastin janë duke vazhduar.
“Është arrestuar i dyshuari mashkull shtetas i Turqisë, pasi i njëjti dyshohet se në rrjetet sociale ka shkarkuar dhe ka shpërndarë materiale me përmbajtje të shfrytëzimit seksual të fëmijëve”, thuhet në raportin 24-orësh të Policisë.
