Një person është arrestuar nga Policia e Kosovës, pasi që i njëjti dyshohet për trafikim të narkotikëve.
Fillimisht, njësitë policore gjatë realizimit të një plani operativ në bjeshkët e fshatit Vërmicë ka vërejtur se dy persona të dyshuar kanë hyrë ilegalisht në territorin e Kosovës.
“Personat e lartcekur janë vërejtur se gjatë lëvizjes, në shpinë bartnin ngarkesa të dyshuara, ku pasi të njëjtit kishin hyrë në zonën e Republikës së Kosovës, nga zyrtarët policor janë urdhëruar që të ndalohen, mirëpo të njëjtit kanë lëshuar ngarkesat që bartnin dhe kanë filluar që të ikin, njëri nga ta është arritur të ndalohet nga ana e zyrtarëve policorë”, thuhet në njoftimin e PK-së.
Ndërkohë, është bërë e ditur se ngarkesa e dyshuar ndodhej në dy çanta me 11 paketime, në sasi prej 33.800 kg substancë e dyshuar narkotike e llojit marihuanë.
“Lidhur me rastin është konsultuar prokurori kompetent dhe rasti i kompletuar së bashku me substancën e dyshuar i dorëzohet Drejtorisë per Hetimin e Trafikimit me Narkotik Prizren për trajtim të mëtutjeshëm”, thuhet mes tjerash në njoftim./teve1.info/
