Një shtetas serb është arrestuar dje rreth orës 16:00 në Prishtinë, pasi ndaj tij ekzistonte një urdhërarrest aktiv.
Sipas raportit zyrtar të Policisë së Kosovës, pas verifikimeve është konstatuar se i dyshuari kërkohej nga autoritetet dhe ndaj tij është vepruar sipas procedurave ligjore.
“Është arrestuar i dyshuari mashkull, shtetas serb, pasi që i njëjti kishte urdhërarrest aktiv. Me vendim të prokurorit, i dyshuari është dërguar në mbajtje,” thuhet në raportin e Policisë së Kosovës.
Autoritetet nuk kanë dhënë më shumë detaje lidhur me arsyet e urdhërarrestit apo identitetin e personit të arrestuar.
