Në komunikatë thuhet se i dyshuari tanimë është shoqëruar për intervistim në prezencën e avokatit të tij mbrojtës.
“Hetuesit policorë nga Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale për Hetimin e Krimeve Ekonomike dhe Korrupsionit në Pejë (NJRHKEK-Pejë), pas hetimeve disa mujore, duke zbatuar edhe masat e fshehta të hetimeve, ka arritur të sigurojë prova/dëshmi se i dyshuari Z. H, (mashkull kosovar, viti i lindjes 1959), referent i lartë për regjistrimin e lëndëve jokontestimore, trashëgimore dhe vërtetimin e certifikatave me vulën e vërtetësisë pranë Gjykatës Themelore në Pejë, është inkriminuar në veprën penale “marrje e ryshfetit”, në rastin kur nga qytetari të cilit i shërben, konkretisht nga i dyshuari D”, thuhet në komunikatë,
Ndërsa më tej thuhet se ai njëherit ka pranuar një sasi të parave, raporton teve1.info.
“Pas intervistimit është informuar prokurori i rastit i cili ka lëshuar vendimin mbi ndalimin policor prej 48 orësh. I dyshuari është dërguar në mbajtje”, thuhet tutje në komunikatë.
Ndërkaq, sa i përket të dyshuarit të dytë për veprën penale “dhënie e ryshfetit” nuk është intervistuar ende, pasi që i njëjti dyshohet se gjendet duke punuar dhe jetuar në Gjermani./teve1.info./
