Sipas njoftimit të PK-së, mbrëmë gjatë kontrollit ka ndaluar të dyshuarin i cili ishte në një veturë me targa të Serbisë.
Nga Policia kanë bërë të ditur se në veturën e të dyshuarit janë gjetur 7 helmeta të punës, ku pesë prej tyre me mbishkrim të shkronjës (Z).
“Në orët e mbrëmjes së datës 30 maj 2022, Njësia e Trafikut Rajonal gjatë kontrollit të trafikut rrugor në rrugën nacionale Mitrovicë-Prishtinë në segmenti rrugor në Vushtrri, ka ndaluar një veturë me targa të Serbisë në të cilën ndodhej i dyshuari dhe një dëshmitarë M/K/S, ku gjatë legjitimit i dyshuari M. M., 30 vjeçar, ka paraqitur një dokument si person zyrtar i Forcës së Sigurisë së Kosovës. Në veturën e të dyshuarit janë gjetur shtatë (7) helmeta të punës ku pesë (5) prej tyre me mbishkrim të shkronjës (Z)”, thuhet në njoftim.
Po ashtu, Policia ka bërë të ditur se pas intervistimit i dyshuari është liruar në procedurë të rregullt.
“Gjatë verifikimit ka rezultuar se i dyshuari ka paraqitur dokument të rremë, si prova materiale nga i dyshuari janë sekuestruar kartela dhe një çantë krahu. Për veprimet e ndërmarra është informuar prokurori i rastit, i cili ka urdhëruar që rasti ndaj të dyshuarit të iniciohet për vepër penale ‘Prezantim i rremë si person zyrtarë’, ndërsa pas intervistimit i dyshuari është liruar në procedurë të rregullt”,thuhet më tej në njoftim. /teve1.info/
