Është arrestuar personi i dyshuar për vrasjen e 2 shtatorit të vitit të kaluar në lagjen “Aktash” në Prishtinë.
Ai është arrestuar të martën në një aksion nga Departamenti i Krimeve të Rënda i Gjykatës Themelore në bashkëpunim dhe koordinim të plotë me Policinë e Kosovës të realizuar në lagjen ‘’Bajram Bahtiri’’ në Prishtinë.
“Kontrolli është kryer në kuadër të hetimeve që lidhen me rastin e ndodhur me 02 Shtator 2024, në lagjen ‘’Aktash’’ në Prishtinë, ku si pasojë e një incidenti të armatosur kishte mbetur i vrarë një person. Gjatë bastisjes, është arrestuar një person për veprën penale Vrasjes së rëndë në tentativë sipas nenit 173 lidhur me nenin 28 dhe 31 të Kodit Penal të Republikës së Kosovës, si dhe Mbajtja në pronësi, kontroll ose posedim të paautorizuar të armëve nga neni 366 të KPRK-së”, thuhet në komunikatë, raporton teve1.info
Siç bëhet e ditur gjatë kontrollit në vendin e ngjarjes është gjetur dhe sekuestruar një armë zjarri e tipit pistoletë, për të cilën dyshohet se mund të jetë përdorur në kryerjen e veprës penale.
Në ngjarjen e 2 shtatorit një person kishte mbetur i vdekur dhe pesë të tjerë ishin plagosur nga të shtënat me armë mes dy grupeve
