Policia e Kosovës ka arrestuar dje një person për kontrabandimin e mallrave në veri të Mitrovicës.
Në njoftimin e policisë bëhet e ditur se personi i arrestuar është liruar në procedurë të rregullt.
Ndërsa mjetet e konfiskuara i janë dorëzuar Doganës së Kosovës.
“Më 07.09.2023, Policia e Kosovës, konkretisht njësitet policore kufitare dhe ato të rendit publik, në veri të Mitrovicës kanë arritur të parandalojnë tri raste ’kalim i paautorizuar i vendkalimeve kufitare ose vijës kufitare dhe kontrabandim i mallrave’. Si rezultat i punës dhe angazhimeve të përbashkëta, është arrestuar një person i cili pas intervistimit është liruar në procedurë të rregullt, kurse mallrat e konfiskuara së bashku me mjetet sipas procedurave iu janë dorëzuar Doganës së Kosovës për procedura të mëtejme”, thuhet në njoftim. /teve1.info/
