Është arrestuar një person i dyshuar se është përfshirë në një rast të grabitjes së mbetur në tentativë.
Siç thotë, zëdhënësja e policisë për rajonin e Prishtinës, Flora Ahmeti, i dyshuari, është arrestuar në flagrancë, në një barnatore në Ulpianë.
Ndaj tij, Ahmeti njofton se kanë filluar procedurat e nevojshme në koordinim me prokurorin e shtetit.
“Sot rreth orë 10:30, nga zyrtarët policor të stacionit Jugu në Prishtinë, është arrestuar një person, për të cilin ekziston dyshimi i arsyeshëm se është përfshirë në një rast të grabitjes së mbetur ne tentativë. Personi i dyshuar është arrestuar në flagrancë, në një barnatore në lagjen Ulpiana në Prishtinë. Ndaj tij kanë filluar procedurat e nevojshme policore në koordinim me prokurorin e shtetit, i njëjti dyshohet të jetë i përfshirë edhe në raste të tjera të natyrës së njëjtë”, tha ajo për teve1.info.
