Sipas njoftimit të PK, thuhet se i dyshuari me inicialet A.H, ka lëshuar katër kartëmonedha të falsifikuara nga 500 euro në biznese të ndryshme në Prizren.
“Me 07.04.2022 është zbatuar Urdhëresa e GJ.P.P Prizren për kontrollim të shtëpisë së të dyshuarit në Podujevë. Gjatë kontrollimit të shtëpisë, nuk është gjetur kartëmonedha tjera të falsifikuara, por gjate zbatimit te urdhër-kontrollit, në shtëpi të dyshuarit është gjetur substanca narkotike që dyshohet të jetë marihuanë me peshë 8.02 gram. Për substancat narkotike te gjetura është iniciuar vepra penale ‘posedim i paautorizuar i narkotikeve, substancave psikotrope ose analoge”, thuhet në njoftim.
Tutje policia bëri të ditur se i dyshuari ka pranuar vepren penale dhe i njëjti me vendim të prokurorit është dërguar në mbajtje për 48 orë.
