Policia e Kosovës ka raportuar se ka arrestuar N.N i moshës, 54-vjeçar për armëmbajtje pa leje dhe kanosje në fshatin Vatë të Kaçanikut.
Në njoftim thuhet, se krejt ngjarja ka ndodhur pas një mosmarrëveshje ku i dyshuari kishte kanosur me armë një person tjetër. Nga i dyshuari është konfiskuar një armë zjarri me 12 fishekë dhe një thikë, raporton teve1.info
“Policët e rendit dhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj kanë shkuar në fshatin Vatë dhe kanë arrestuar të dyshuarin N.N (M/K) i moshës 54 vjeçar, i cili shkak i një mosmarrëveshje kishte kanosur me armë personin tjetër mashkull, kosovar i moshës 47 vjeçar, ndërsa më pas policia nga i dyshuari ka konfiskuar armën e zjarrit ( pistoletë) me 12 fishekë dhe një thikë”, thuhet në raport.
Ndërsa, i dyshuari është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është ndaluar në mbajtje për 48 orë, ndërsa rasti është cilësuar ‘’ Armëmbajtje pa leje dhe kanosje’’.
