Një person është arrestuar pasi në Palestrën e Sportit “Karagaçi” në Pejë, ka sulmuar zyrtarin policor i cili ishte në sigurim të ndeshjes, Peja – Bashkimi.
I dyshuari është futur në sallë duke goditur dyert e sallës e kishte kërcënuar zyrtarët policorë.
I dyshuari është dërguar në mbajtje.
“Është arrestuar i dyshuari mashkull kosovar, pasi që kishte goditur dyert e sallës së sportit me shkelma dhe pas hapjes së dyerve ka sulmuar fizikisht zyrtarin policor i cili ishte në sigurim të ndeshje së sportit. I dyshuari më pas kishte kërcënuar zyrtarët policor. Nuk raportohet për të lënduar. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës.
Ndeshja Peja – Bashkimi është luajtur të enjten. Ajo ishte gjysmëfinalja e katërt e plejofit në basketboll. Bashkimi e siguroi finalen në palestrën “Karagaçi” në Pejë. E mposhti skuadrën pejane me rezultat 84:78.
Ndeshja në Pejë ishte përcjellë me incidente.
