Policia e Kosovës ka arrestuar një person i cili ka tentuar tu jap ryshfet zyrtarëve policorë.
Sipas komunikatës së PK-së shoferi një kamioni me targa të huaja, në një pikë kontrolli në Klinë pasi është ndalë për t’iu shqiptuar gjoba, për të shpëtuar nga kjo u ka ofruar një shumë të parave.
“Me datë 18.10.2023 rreth orës 09:45 deri sa patrulla policore kanë qenë ne pikë kontrolli në Klinë, për ti shqiptuar gjobën për kundërvajtje në trafik e kanë ndaluar kamionin me targa të huaja, të cilin ishte duke e drejtuar i dyshuari N.B., (viti i lindjes 1961). I dyshuari me qëllim që ti shmanget gjobës për kundërvajtjen e bërë, ka tentuar tu jap një shumë të parave zyrtarëve policor”, thuhet në komunikatë.
Policia ka bërë të ditur se i dyshuari është shoqëruar në stacionin policor dhe është intervistuar në prani të avokatit mbrojtës, ku me urdhër të prokurorit kujdestar nën dyshimin për kryerjen e veprës penale ‘’Dhënia e ryshfetit’’është ndaluar për 48 orë.
