Nën dyshimin për spiunazh është arrestuar një person në pikën kufitare në Merdare të Podujeveës.
Sipas njoftimit të prokurorisë, arrestimi i të dyshuarit është realizuar pas veprimeve hetimore të ndërmarra nga autoritetet kompetente.
“Me urdhër të Prokurorisë Speciale të Republikës së Kosovës, hetuesit policorë nga Drejtoria për Hetimin e Krimit të Organizuar dhe Krimeve të Rënda, në pikën kufitare në Merdare të Podujevës, kanë arrestuar një shtetas të Republikës së Kosovës”, thuhet në njoftim.
Prokuroria Speciale bënë të ditur se do të vazhdojnë me ndërmarrjen e të gjitha veprimeve të nevojshme hetimore për zbardhjen e plotë të rrethanave rastit.
