Policia e Kosovës ka arrestuar një person i cili ishte i kërkuar me urdhëresë të Gjykatës, dhe i njëjti ishte i dënuar prej 13 muajsh për veprat penale “mbajtje në pronësi, kontroll, posedim të paautorizuar të armëve’ dhe ‘lëndim i lehtë trupor”.
Sipas policisë, arrestimi i të dyshuarit është realizuar nga njësitë policore në Vushtrri.
“Në orët e pasdites të datës 30.07. 2025, Policia në Vushtrri ka arrestuar një person të kërkuar me urdhëresë aktive të Gjykatës. Arrestimi i të kërkuarit është realizuar nga njësitë policore në Vushtrri, pasi ndaj tij kishte urdhëresë aktive nga Gjykata dhe ishte i dënuar me burgim në kohëzgjatje prej (13) muajsh për veprat penale ‘mbajtje në pronësi, kontroll, posedim të paautorizuar të armëve’ dhe ‘lëndim i lehtë trupor’. Pas përfundimit të procedurave të nevojshme policore, personi është dërguar në vuajtje të dënimit”, thuhet në njoftimin e policisë./teve1.info/
