Një person është arrestuar nga Policia e Kosovës në Skenderaj, nën dyshimin për kryerjen e veprave penale “Lëndim i lehtë trupor” dhe “Posedim i paautorizuar i substancave narkotike, substancave psikotrope ose analoge”.
Sipas njoftimit të Policisë, arrestimi është bërë gjatë natës së kaluar, pasi i dyshuari dyshohet se ishte përfshirë në një përleshje me dy persona të tjerë. Si pasojë e incidentit, njëri nga të përfshirët ka pësuar lëndime trupore dhe ka marrë trajtim mjekësor.
Gjatë kontrollit të të dyshuarit, zyrtarët policorë kanë gjetur dhe sekuestruar rreth gjashtë gramë substancë të dyshuar narkotike.
Pas intervistimit, me vendim të prokurorit kompetent, të dyshuarit i është caktuar masa e ndalimit për 48 orë.
Policia ka bërë të ditur se ndaj tij është iniciuar procedurë penale për veprat “Lëndim i lehtë trupor” dhe “Posedim i paautorizuar i substancave narkotike, substancave psikotrope ose analoge”.
