Sipas njoftimit të policisë thuhet se i dyshuari me inicialet D.N, kishe hyrë me forcë në një motel-restaurant, ku edhe kishte kryer vjedhjen.
“Me datën 28.04.2022 rreth orës 09:40, në stacionin policor në Shtërpcë është raportuar një rast vjedhjes së rëndë që kishte ndodhur në një motel-restaurant në Shtërpcë, ku një person me forcë kishte thyer një derë anësore dhe kishte depërtuar brenda lokalit”, thuhet në njoftim.
Nga policia e Kosovës bëhet e ditur se shuma e parave të vjedhura ishte 21160 dinarëve dhe 275 euro.
“Pas një pune intensive hetimore të policëve hetues, grumbullimit të informacioneve në terren, shikimit të kamerave të sigurisë, intervistave të dëshmitarëve, kanë arritur që të identifikojnë personin e dyshuar dhe vendin e ndodhjes së tij dhe pasdite rreth orës 14:00, të po të njëjtës ditë , pas një bastisje në shtëpinë e tij kanë arrestuar personin e dyshuar me inicialet D.N (M/K) i moshës 51 vjeçar, i cili dyshohet se ka kryer vjedhje të rëndë në motelin-restaurantin në Shtërcpë, duke vjedhur para në vlerë prej 21160 dinarëve dhe 275 euro. Paratë e vjedhura janë gjetur tek i dyshuari dhe më pas janë konfiskuar”, thuhet në njoftimin e policisë.
Tutje bëhet e ditur se i dyshuari me vendim të prokurorit është liruar me procedura të mëtejme hetimore./teve1.info/
